Charles Santiago

இந்தியர்களின் பிரச்னைகளைத் தீர்ப்பதற்கு முக்கியத்துவம் கொடுங்கள், சார்ல்ஸ் வலியுறுத்தல்
“查爾斯主持巴板路居協慶祝成立兩年晚宴切蛋糕儀式，左4起為楊文來和洪聞”
居協斡旋獲新突破‧發展商允增寬土地面積

இந்தியர்களின் பிரச்னைகளைத் தீர்ப்பதற்கு முக்கியத்துவம் கொடுங்கள், சார்ல்ஸ் வலியுறுத்தல்

Posted: 01 Aug 2011 08:10 PM PDT

2 Aug | செய்தி| மலேசியாஇன்று

அண்மையில் ஜி. பழனிவேல் முழு அமைச்சராக நியமனம் பெற்றதற்கு தமது பாராட்டுக்களையும் வாழ்த்துக்களையும் தெரிவித்துக் கொண்டார் கிள்ளான் நாடாளுமன்ற உறுப்பினர் சார்ல்ஸ் சந்தியாகோ.

"அவருக்கு முழு அமைச்சர் பதவி கிடைத்த செய்தியைக் கேட்டு மகிழ்ச்சியடையும் அதே வேளையில், தேமுயில் வேறு இந்தியர் கட்சிகள் இணைக்கப் பட்டால், மஇகா உடனடியாக வெளியேறும் என அவர் கூறியிருப்பது வியப்பை அளிக்கின்றது", என சார்ல்ஸ் கூறினார்.

தேமுயில் மற்றொரு இந்திய கட்சி இணைக்கப் பட்டால் மஇகா வெளியேறும் என உறுதியாகச் சொல்வதற்கான தைரியம் கொண்டுள்ள பழனிவேல், சர்ச்சைக்குரிய இண்டர்லோக் நாவல் விவகாரத்திலும், பெர்சே தலைவர் அம்பிகாவின் குடியுரிமையைப் பறிக்கச் சொல்லும் போதும் அமைதி காத்ததுதான் ஏன் என புரியாத புதிராக உள்ளது என்றாரவர்.

இந்தியர்களின் பிரச்னைகளைத் தீர்க்க முன்வர தயங்கும் இவர், கட்சியை தற்காத்துக் கொள்ள மட்டும் குரல் எழுப்பியிருப்பது, அவரின் ஈடுபாடு எதில் இருக்கின்றது என்பதை மிக தெளிவாக வெளிச்சம் போட்டுக் காட்டுகின்றது என்று அவர் மேலும் கூறினார்.

தன் சுயநலத்தை தவிர்த்து மக்கள், அதுவும் இந்திய மக்கள், நலனுக்காக போராடும் கட்சியாக மஇகா இருப்பதை அவர் உறுதி செய்தாக வேண்டும். கடந்த 53 ஆண்டு காலமாக இந்தியர்களின் பொருளாதாரம் 2.6 விழுக்காடு என்ற தேக்க நிலையிலிருந்து இன்னும் மேலும் உயரவே இல்லை என்பது கருத்தில் கொள்ள வேண்டிய விஷயம்.

மலேசியாவில் பணக்காரர்கள் மேலும் பணக்காரர்களாகவும் ஏழைகள் மேலும் மேலும் ஏழைகளாகவும் ஆகிக் கொண்டு வருவது அசைக்க முடியாத உண்மை என கூறிய சார்ல்ஸ், இந்தியர்களின் பிரச்னைகளைத் தீர்ப்பதில் முக்கியத்துவம் காட்டுங்கள் என்று கேட்டுக்கொண்டார்.

"அப்போதுதான் உங்களை யாரும் அசைக்க முடியாது. இல்லையேல், இந்தியர்களின் நலனைக் காக்க தேமுயில் இந்தியர்களின் கட்சிகள் இணையும் சாத்தியம் இல்லை என்றால் மஇகாவுக்கு எதிராகப் பல இந்தியர் கட்சிகள் எழ அதிகமான வாய்ப்புகள் உள்ளன", என்பதை நினைவுறுத்திய சார்ல்ஸ், மக்கள் கூட்டணியிலுள்ள இந்திய தலைவர்கள் இந்தியர்களின் உரிமைகளையும், நலன்கனையும் தற்காத்துவருவதையும் அவர் நினைவுறுத்தினார்